Милиони луѓе на планетава имаат уникатни идеи и размислуваат на специфичен начин. Со секоја помината минута овие луѓе се заменети со нови, затоа што секоја генерација ја заменува претходната. Поради тоа, циклусот на иновации и креативност никогаш не престанува и со секоја нова декада доаѓаат и нови, подобри идеи.
Бројот на нови играчи во печатената маркетинг индустрија постојано се зголемува, затоа е важно да се биде во тек со новите настани и да се остане во игра. Иако, Ковид19 привремено ги парализира многу бизниси, вие сепак би можеле да го пораснете својот бизнис.
Ако сакате бројот на нови клиенти постојано да расте, почнете да користите печатени маркетинг кампањи. Голем број на студии покажале дека луѓето повеќе го претпочитаат печатениот маркетинг отколку дигиталниот.
Денес, растот на печатената индустрија продолжува да ги инкорпорира и да им помага на многу индустрии од различни сфери.
Политичкиот активист, Боб Илинен, чијашто позиција му овозможува да увиди како печатените маркетинг кампањи можат да привлечат нови клиенти, изјави: „Користењето печатен материјал за промоција на својот бизнис е првото правило за успех. Професионално дизајнираните и испечатени продукти го запознаваат клиентот со твојот бренд и ја носат пораката која твоите сервиси ја нудат. Истовремено, печатените материјали оставаат одредена импресија кај клиентот.“
Ефективниот маркетинг ја зголемува лојалноста кон брендот
Ако сакате успешен бизнис едноставно мора да се осврнете и кон печатениот маркетинг. Не може да очекувате дека дигиталниот маркетинг ќе ја заврши целата работа ако целта ви е да привлечете нови клиенти и да одржете јаки врски со нив.
Маркетингот треба да биде од суштинско значење во вашиот бизнис план. Важно е да им покажете на вашите клиенти колку сте им потребни. Флаери, постери, визит-карти, маици и промотивни материјали се едни од начините како вашето име да стигне до посакуваната публика, нешто што не може да го направи дигиталниот маркетинг.
Брошурите се секогаш добар избор. Последниве години сè поретко се користат, но дефинитивно се еден од најефективните начини за раст на вашиот бизнис. Сепак се работи за концизно и јасно, информативно парче хартија каде што можеш да објасниш се за твојата услуга или продукт.
Понатака, можете да го поврзете печатениот со онлајн светот преку QR кодови и да го зголемите препознавањето на вашиот бренд.
Печатот поврзува
За да оформите една добра база од клиенти, тие мора да почувствуваат дека врската со вас е вистинска. Во свет полн со лајкови и кликови, печатот се истакнува. Секако дека дигиталното поврзување има свои предности, но онлајн маркетингот заостанува кога се работи за лично поврзување на клиентите со вашиот бренд.
Затоа контактирајте ги вашите локални печатници, за да ви помогнат да создадете силно присуство и во печатениот свет.
Важноста на дизајнерот
Дизајнерот е тој кој помага да се направи едно добро уметничко дело од вашите идеи кои би можеле да се испечатат на парче хартија.
.jpg)
Но, не е лесно да се биде дизајнер. Мора постојано да бараш нови, иновативни идеи. Мозокот на дизајнерот е трениран да размислува поразлично од секојдневните, традиционални и типични идеи наоколу. Во печатената индустрија, личниот печат кој дизајнерот го внесува во своето дело, никогаш не е на одмет. Ако сакате вашиот бизнис да се искачи на скалата на успехот, мора да ја зацврстете врската која ја имате со вашиот дизајнер и да знаете добро да ги искажете своите барања, за подоцна тој да развие стратегија која ќе зборува во ваше име. Ефикасната комуникација со вашиот дизајнер е клучот до успехот за вашиот бренд.
Кога ги прашаја дизајнерите и артистите од цел свет која им е најтешка задача, речиси сите го делеа истиот проблем, а тоа е да ја напишат првата реченица или да ја нацртаат првата линија. Без разлика колку идеи поминуваат низ главата на дизајнерот додека е на кафе со пријателите, кога ќе го земе лаптопот за работа, речиси секогаш е изгубен. Не знае од каде да почне. Па, затоа не е на одмет ако малку му помогнете со вашите барања. Можете да пробате да напишете неколку нелогични реченици или да „начкрапате“ нешто што мислите дека ќе ви помогне. Вакви груби материјали можат да му помогнат да ја добие посакуваната инспирација.
Светот брзо напредува и доколку сакате да успеете во вашето поле важно е да сте присутни и онлајн и офлајн. Затоа направете добра стратегија, искористете ги сите можности и употребете ги сите алатки кои ви се на располагање за да се искачите до врвот со вашиот бизнис.
